ກ່ຽວກັບພວກເຮົາ
I. ສະພາບແວດລ້ອມ.
ໂຄງການປົກປັກຮັກສາສົ່ງເສີມປູກ ແລະ ພັດທະນາຕົ້ນໝາກເກົາເປັນພະລັງງານທົດແທນ ແລະ ເປັນສິນຄ້າແນວຄວາມຄິດລີ້ເລີ່ມໂຄງການ 2+3 ໝາກເກົາລາວນີ້ແມ່ນ ທ່ານ ວົງເພັດ ໄຊເກີຢ່າຈົງຕົວ ເປັນຜູ້ລິເລີ່ມໃນປີ 1986 ໄລຍະນັ້ນ ທ່ານ ວົງເພັດ ໄຊເກີຢ່າຈົງຕົວ ເປັນເລຂາພັກແຂວງ ເຈົ້າແຂວງ ແຂວງຫຼວງພະບາງ. ປີ 2008 ທ່ານ ວົງເພັດ ໄຊເກີຢ່າຈົງຕົວ ໄດ້ຕົກລົງໃຫ້ ທ່ານ ສົມຊື່ນ ໄຊເກີຢາຈົງຕົວ ເປັນຜູ້ ຂຽນບົດວິພາກໂຄງການ 2 + 3 ໝາກເກົາລາວຂື້ນມາ ແລ້ວມອບໃຫ້ ບໍລິສັດໄມ້ສັກ ຫຼວງພະບາງ ເປັນຜູ້ຈັດຕັ້ງປະຕິບັດໂຄງການ 2+3 ໝາກເກົາລາວ ໃນການປຸກລະດົມປະຊາຊົນເຂົ້າຮ່ວມໂຄງການດ້ວຍຄວາມສະໝັກໃຈຂອງພໍ່ແມ່ປະຊາຊົນ ໃນໄລຍະນັ້ນ ແມ່ນ ທ່ານ ຄໍາສຸກໄຊເກີຢ່າຈົງຕົວເປັນ ຜູ້ອຳນວຍການ. ຮອດປີ 2013 ໄດ້ສ້າງຕັ້ງບໍລິສັດນ້ຳມັນເຊື້ອໄຟຊີວະພາບໝາກເກົາລາວ, ເພື່ອເກັບກູ້ຜົນຜະລິດໝາກເກົາລາວມາປຸງແຕ່ງເປັນນ້ຳມັນກາຊວນຊີວະພາບ, ຝຸ່ນຊີວະພາບ.
ມາຮອດປີ 2021 ເພື່ອໃຫ້ສອດຄ່ອງກັບໂຄງການ, ຈຶ່ງໄດ້ປ່ຽນຊື່ບໍລິສັດນ້ຳມັນເຊື້ອໄຟຊີວະພາບ ໝາກເກົາລາວມາເປັນບໍລິສັດໝາກເກົາລາວ ຂາເຂົ້າ-ຂາອອກ ຈຳກັດຜູ້ດຽວໃນວັນທີ 13/05/2021.
II. ໜ້າທີ່ຂອງບໍລິສັດ.
ເປັນບໍລິສັດສົ່ງເສີມປູກ ແລະ ເກັບຊື້ໝາກເກົາ ດ້ວຍຄວາມສະໝັກໃຈປູກ ໂດຍຮູບແບບ 2+3 ມີດັ່ງລຸ່ມນີ້:
1. ປະຊາຊົນມີດິນ(ເນື້ອທີ່) ແຮງານ(ປູກບົວລະບັັດຮັກສາ ແລະ ເກັບກູ້ຜົນຜະລິດ).
2. ບໍລິສັດມີແນວພັນເຕັກນິກ ແລະ ການຕະຫຼາດ, ເກັບຊື້ຜົນຜະລິດທີ່ຕົນໄດ້ສົ່ງເສີມ.
3. ຄຸ້ມຄອງໂຄງການ, ຄຸ້ມຄອງສວນປູກ ແລະ ຄຸ້ມຄອງຜົນຜະລິດຈາກປະຊາຊົນ.
4. ບໍລິສັດມີໜ້າທີ່ຄົ້ນຄ້ວາຜະລິດຕະພັນໃໝ່ຈາກໝາກເກົາເພື່ອຈຳໜ່າຍພາຍໃນ ແລະ ສົ່ງອອກຕ່າງປະເທດ.
ອີງຕາມ: ຄວາມເປັນຈີງຂອງຕົ້ນເກົາ ບໍລິສັດມີແຜ່ນຄົ້ນຄ້ວາຜະລິດຕະພັນດັ່ງນີ້:
ນໍ້າມັນໝາກເກົາສົດ, ຝຸ່ນຊີວະພາບຈາກນວນໝາກເກົາ, ສະບູແລະຄິມທ່າຜິວຈາກນ້ຳມັນໝາກເກົາ, ຖ່ານຈາກເປືອກໝາກເກົາແລະນໍ້າສີຈາກນ້ຳມັນໝາກເກົາ.
III. ວິໄສທັດ.
ຄຳຂັວນຂອງໂຄງການ “ ຕາບເສື້ອແມ່ ”.
1. ດໍາເນີນທຸລະກິດພາຍໃຕ້ກົດໝາຍ ແລະ ລະບຽບການ ຂອງ ປະເທດ ສປປ ລາວ.
2. ຢຶດໝັ້ນອຸດົມການຂອງພໍ່, ປະຕິບັດຕາມແນວທາງນະໂຍບາຍ ຂອງ ພັກປະຊາຊົນ ປະຕິວັດລາວ ໂດຍຜັນຂະຫຍາຍມະຕິ V ຂອງສູນກາງພັກ ຄື: "ເອົາກະສິກຳເປັນພື້ນຖານ ເພື່ອຂະຫຍາຍເປັນອຸດສາຫະກຳ ແລະ ບໍລິການ ທາງຜ່ານ".
3. ປະກອບສ່ວນເພີ່ມເນື້ອທີ່ປົກຫຸມສີຂຽວໃຫ້ໄດ້ 70% ຕາມຄາດໝາຍຂອງລັດຖະບານແຫ່ງ ສປປລາວ.
4. ຍຸດທະສາດເອົາຕົ້ນໝາກເກົາເປັນແປ້ນຢັນສ້າງລາຍຮັບໃຫ້ປະຊາຊົນມີທືນຮອນເສີມຂະຫຍາຍຕາມແນວທາງສອງປູກໜື່ງລຽງ
ເດີນຕາມເສັ້ນທາງພໍ່
ຖືໝາກເກົາເປັນຖົງເຂົ້າ
ຖືຢາງພາລາເປັນຖົງເງີນ
ຖືໄມ່ສັກເປັນຖົງຄຳ
IV. ໂຄງຮ່າງການຈັດຕັ້ງ.
ບໍລິສັດໝາກເກົາລາວຂາເຂົ້າຂາອອກຈຳກັດຜູ້ດ່ຽວປະກອບມີໂຄງລາງການຈັດຕັ້ງດັ່ງນີ້:
1. ຜູ້ອໍານວຍການ.
2. ຮອງຜູ້ອໍານວຍການ.
3. ຫົວໜ້າສາຂາ.
4. ຄະນະຮັບຜິດຊອບຂັ້ນບ້ານ.
5. ຫົວໜ້າໜ່ວຍປະຈໍາບ້ານ.
V. ການເຄື່ອນໄຫວ.
- ບໍລິສັດ ໄດ້ສົ່ງເສີມປະຊາຊົນ ປູກໝາກເກົາ ໃນ 06 ແຂວງພາກເໜືອ ແລະ 1 ແຂວງພາກກາງໃນນັ້ນມີ: ແຂວງຫຼວງພະບາງ, ແຂວງຊຽງຂວາງ, ແຂວງຫົວພັນ, ແຂວງອຸດົມໄຊ, ແຂວງໄຊຍະບູລີ, ແຂວງຜົ້ງສາລີ ແລະ ແຂວງວຽງຈັນ, ມີສະມາຊິກເຂົ້າຮ່ວມໂຄງການຫຼາຍກວ່າ 4000 ຄອບຄົວມີເນື້ອທີ່ທັງໝົດ 12,300 ກວ່າແຮັກຕາ.