ເປັນສ່ວນໜຶ່ງໃນການປະກອບສ່ວນ ຊ່ວຍປະຊາຊົນ ໃນການເຮັດກະສິກຳປູກຝັງ
ໂຄງການປົກປັກຮັກສາສົ່ງເສີມປູກ ແລະ ພັດທະນາຕົ້ນໝາກເກົາເປັນພະລັງງານທົດແທນ ແລະ ເປັນສິນຄ້າແນວຄວາມຄິດລີ້ເລີ່ມໂຄງການ 2+3 ໝາກເກົາລາວນີ້ແມ່ນ ທ່ານ ວົງເພັດ ໄຊເກີຢາຈົງຕົວ ເປັນຜູ້ລິເລີ່ມໃນປີ 1986 ໄລຍະນັ້ນ ທ່ານ ວົງເພັດ ເປັນເລຂາພັກແຂວງ ເຈົ້າແຂວງ ແຂວງຫຼວງພະບາງ. ປີ 2008 ທ່ານ ວົງເພັດ ໄຊເກີຢ່າຈົງຕົວ ໄດ້ຕົກລົງໃຫ້ ທ່ານ ສົມຊື່ນ ໄຊເກີຢາຈົງຕົວ ເປັນຜູ້ ຂຽນບົດວິພາກໂຄງການ 2 + 3 ໝາກເກົາລາວຂື້ນມາ ແລ້ວມອບໃຫ້ ບໍລິສັດໄມ້ສັກ ຫຼວງພະບາງ ເປັນຜູ້ຈັດຕັ້ງປະຕິບັດໂຄງການ 2+3 ໝາກເກົາລາວ ໃນການປຸກລະດົມປະຊາຊົນເຂົ້າຮ່ວມໂຄງການດ້ວຍຄວາມສະໝັກໃຈຂອງພໍ່ແມ່ປະຊາຊົນ ໃນໄລຍະນັ້ນ ແມ່ນ ທ່ານ ຄໍາສຸກໄຊເກີຢ່າຈົງຕົວເປັນ ຜູ້ອຳນວຍການ. ຮອດປີ 2013 ໄດ້ສ້າງຕັ້ງບໍລິສັດນ້ຳມັນເຊື້ອໄຟຊີວະພາບໝາກເກົາລາວ, ເພື່ອເກັບກູ້ຜົນຜະລິດໝາກເກົາລາວມາປຸງແຕ່ງເປັນນ້ຳມັນກາຊວນຊີວະພາບ, ຝຸ່ນຊີວະພາບ. ມາຮອດປີ 2021 ເພື່ອໃຫ້ສອດຄ່ອງກັບໂຄງການ, ຈຶ່ງໄດ້ປ່ຽນຊື່ບໍລິສັດນ້ຳມັນເຊື້ອໄຟຊີວະພາບ ໝາກເກົາລາວມາເປັນບໍລິສັດໝາກເກົາລາວ ຂາເຂົ້າ-ຂາອອກ ຈຳກັດຜູ້ດຽວໃນວັນທີ 13/05/2021.
ເບ້ຍໝາກເກົາ ທີ່ສະໜອງໃຫ້ ເປັນເບ້ຍທີ່ເພາະພັນຖືກຮູບແບບ ແລະ ຖືກຕ້ອງຕາມຫຼັການ ຈິ່ງເຮັດໃຫ້ເບ້ຍທີ່ສະໜອງໃຫ້ມີຄວາມແຂວງແຮງ ທົນທານ
ມີທີມງານ ທີ່ສຳນານງານ ໃນການລົງໃກ້ສິດ ເພື່ອແນະນຳເຕັກນິກແຕ່ລະຂັ້ນຕ້ອນ ນັບຕັ້ງແຕ່ ການກ້າເບ້ຍອ່ອນ ຈົນເຖິງການປະສົມດີນ ເພື່ອປູກຝັງ
ຍາມໃດກໍ່ເປັນຫ່ວງ ແລະ ເອົາໃຈໃສ່ ໃນການແນະນຳປະຊາຊົນ ເພື່ອບົວລະບັດສວນປູກຂອງຕົນເອງ ໃຫ້ໄດ້ຮັບໝາກຜົນດີທຸກໆປີ
ຄ່າຕອບແທນເໝາະສົມກັບແນວທາງ ນະໂຍບາຍ ຂອງພັກລັດ ເພື່ອໃຫ້ປະຊາຊົນ ມີຊີວິດການເປັນຢູ່ ທີ່ດີຂື້ນ
ຕໍ່ໂຄງການ 2 + 3 ໝາກເກົາລາວ
“ ຂ້າພະເຈົ້າ ໃນນາມ ອຳນວຍການ ບໍລິສັດ ໝາກເກົາລາວ ຂາອອກ - ຂາເຂົ້າ ຈໍາກັດ ຜູ້ດຽວ ເປັນຜູ້ສືບຖອດໂຄງການ 2+3 ໝາກເກົາລາວ ຈາກ ພໍ່ ວົງເພັດ ໄຊເກີຢາຈົງຕົວ ຢາກຂໍປະກອບຄໍາເຫັນໃຫ້ ບັນດາສະມາຊິກ ດັ່ງລຸ່ມນີ້: ໃຫ້ເປັນເຈົ້າການເອົາໃຈໃສ່ ບົວລະບັດສວນປູກຂອງຕົນເອງ ແລະ ເກັບກູ້ຜົນຜະລິດໃຫ້ຖືກລະດູການ ເພື່ອໃຫ້ໝາກເກົາໄດ້ຄຸນນະພາບດີ ຖືກຕ້ອງຕາມມາດຖານທີ່ຕະຫລາດຕ້ອງການ ແລະ ປຸກລະດົມໃຫ້ພໍ່ແມ່ປະຊາຊົນ ຜູ້ທີມີຄວາມສະມັກໃຈ ເຂົ້າຮ່ວມໂຄງການ 2+3 ໝາກເກົາລາວ ໃຫ້ຫລາຍຂື້ນເພື່ອເປັນອີກໜຶ່ງລາຍຮັບເພີ່ມໃນການສ້າງເສດຖະກິດຄອບຄົວ ທັງເປັນການປະກອບສວນເພີ່ມເນື້ອທີ່ປ່າປົກຫຸ້ມໃຫ້ໄດ້ຕາມຄາດໝາຍ 70% ຂອງລັດຖະບານ ແຫ່ງ ສປປ ລາວ. (ສຸພາສິດເພີ່ນວ່າ "ຍີ່ງປືນນັດດຽວໄດ້ນົກສອງໂຕ"). ”
ການເຄື່ອນໄຫວທາງສັງຄົມ
ພາບເຄຶ່ອນໄຫວ ຂອງບໍລິສັດ ໝາກເກົາລາວ ຮ່ວມກັບຊາວໜຸ່ມເກັບກູ້ຊື້ແກ່ນໝາກເກົາປະຈຳປີ2023ທີ່ເມືອງວຽງຄຳ, ແຂວງຫຼວງພະບາງ
ພິທີເຊັນສັນຍາ ກັບ ກອງບັນຊາການ ປກສ ແຂວງ ຫລວງພະບາງເພື່ອສົ່ງເສີມ ໃຫ້ ບັນດາ ຄ້າຍຄຸ້ມຄັງ ທີ່ມີຜູ້ຕ້ອງຫາຫລາຍພັນຄົນ ເພື່ອສ້າງວຽກເຮັດໃຫ້ ຜູ້ຕ້ອງຫາ ມີລາຍຮັບເພີ່ມຈາກການປູກຫມາກເກົາເປັນອາຊີບເສີ່ມ.
